ఇద్దరిదీ ఒకే వీధి
ఇద్దరు చదివిందీ ఒకే బడి
ఇద్దరు నడిచింది ఒకే నేల
ఇద్దరు మొక్కిందీ ఒకే దేవుడు
కానీ..
వాడు నాకంటే పైకి
ఎదిగిపోతున్నాడని నాకు మహా కుళ్ళు..
వాడికీ అంతే
నేనెక్కడ వాణ్ణి మించిపోతానేమోనని
....
ఇద్దరిదీ ఒకే కొలువు
కానీ ఎప్పుడూ మాట్లాడుకోం
వాడిల్లే దారిలో నేను
నేను వెళ్ళేదారిలో వాడు
గోతులు తవ్వుకుంటుంటాం
...
మేం నీతిమంతమైన
అక్షరాలు తెలిసిన మేధావులం
ఎదుటివాడికి నీతులు చెప్పే
అంబోతులం
No comments:
Post a Comment