పీచుమిఠాయండోయ్
పల్లవి:
తారంగం తారంగం
పీచుమిఠాయి తారంగం -2
చరణం:
తారంగం తారంగం
పుల్లకు చుట్టే తారంగం
నోట్లో కరిగే తారంగం
గొంతులో జారే తారంగం
తారంగం తారంగం
పీచుమిఠాయి తారంగం
చరణం:
నోటిలో కరిగెను తారంగం
పీచమణిగెను తారంగం
జీడికడ్డీ అయ్యెను తారంగం
కొరికితినేశాను తారంగం
తారంగం తారంగం
పీచుమిఠాయి తారంగం
చరణం:
నోరంతా తీపయ్యే తారంగం
మూతి గులాబిరంగయ్యే తారంగం
చెడ్డీ, గౌనుకి జిడ్డయ్యే తారంగం
వేళ్ళన్నీ చప్పరించేసాలే తారంగం
తారంగం తారంగం
పీచుమిఠాయి తారంగం-2
-గంగాధర్ వీర్ల, 21-05-2016