పాద ముద్రికలు
...............
తీరం వెంబడి
నడిచేటప్పడు
మనసుకి కనిపించే
ముద్రలన్నీ ఒకేలా ఉండవ్
కొన్ని అడుగులో అడుగు వేయిస్తాయి
ఇంకొన్నిసుదూరంగా ఎక్కడికో నడిపిస్తాయ్
కొన్ని ముద్రలు
పదే పదే వెంటాడతాయ్
కొన్ని తిరిగి వెంటాడేలా చేస్తాయ్
అక్కడ సాగే నడక ఒక్కటే కావొచ్చు
గుండెల్లో ముద్రించుకునే ముద్రలు మాత్రం అనేకం
కొన్ని..సముద్రపు అలల్లా..
దగ్గరగా వస్తుంటాయ్
మరికొన్ని దూరంగా పోతూ ఉంటాయ్!!
-గంగాధర్ వీర్ల
Good narration gangadhar bayya.
ReplyDeleteI appreciate your write-up.