guppedu manasu

డోంట్ బీ లైక్ దట్

ఎవరికోసం నిట్టూర్పు
దేహం రెండుగా చీల్చినట్టుందా!?
మేబీ.. ఉండొచ్చు
కాంక్ష వేరు.. ఆ కాంక్ష వేరు
రెండింటికీ మధ్య చాలా ఆగాధం ఉందేమో
000
నాలోకి అలా కఠినాత్మకంగా తొంగిచూస్తే
ఎర్రని రక్తకణాలతో నిండిన
దేహమే కనపడొచ్చు
ఇంకా వైవిధ్యంగా వెదుకు
కాసిన్ని ఆలోచనల్ని
సుతారంగా అదిమిపట్టి
నన్ను పట్టుకోడానికి
ప్రయత్నించు
ఏమో.. ఏదో ఒక రూపంలో దొరుకుతానేమో
000
ఇప్పటికీ దేహం..
రెండుగానే చీల్చినట్టుగానే ఉంది
ఒకటి అనుభవం
మరొకటి విధ్వేషం
మనిషి లోపలి పొరను పట్టుకోవడం
నీకెందుకు సాధ్యం కావడంలేదు
000
ఇప్పటికీ నా దేహం
రెండుగా చీలినట్టుగానే ఉంది
కాదు.. కాదు..
అనవసరపు వెదుకులాటలో
నా దేహాన్ని
ఎవరో కావాలనే చీల్చినట్టుగా ఉంది
హేయ్.. డోంట్ బీ లైక్ దట్!!
-గంగాధర్ వీర్ల, 17-05-20016