ఉదయాన్ని చీలుస్తూ
చిటపట.. పటపట
చినుకులే చినుకులు
తడిసి ముద్దవుతున్న
చిగురుటాకులు
000
చినుకులో చినుకైన వేళ
తడిని అప్పుగా తెచ్చుకున్న నేలపై
అడుగులు వడివడిగా తడబడి
నాలో మురిసె కలబడి
000
మనసు తెరిచిన కిటికీలో
నీ నవ్వుల జ్నాపకం
తుంపరవుతోంది
తుంటరిగా ముసురుతోంది
000
ఇంకా చినుకులు పడుతున్నాయ్
తడి ఆరని అల్లరితో
వళ్ళంతా జల్లవుతోంది
నులివెచ్చని చెలిమవుతోంది!!
-గంగాధర్ వీర్ల
28-06-16
No comments:
Post a Comment