నా గుండె వాకిట తలుపు
వేసింది వేసినట్టే ఉంది
......
కలలో కూడా నిన్ను
కలవరించకూడదని
అదిగో కిటికీ చాటునుంచి
మిణుకు మిణుకంటూ
నన్నే చూస్తున్న చక్కని చుక్కపై
గట్టిగా ఒట్టే పెట్టుకున్నా
.....
ముసురుతున్న
చల్లగాలు తెచ్చే నీ జ్ఞాపకాన్ని సైతం
దరిచేరనీయకూడదని
దుప్పటి ముసుగూ వేసుకున్నా.
.....
హమ్మయ్య..
ఇక ఈ రాత్రి నీ ఊసులేకుండా
నిద్రలోకి జారుకోవచ్చు.
....
కంటి పాపలు మూతపడ్డాయ్
క్షణకాలం గడిచిందో లేదో
కనురెప్పల మాటున ఏదో అలజడి
అదిగో..
నీ రూపం గట్టిగా హత్తుకుంది.
ఎక్కడికీ పారిపోకుండా
బంధీని చేసింది
...........
No comments:
Post a Comment